試婚紗前先預約
為咗俾每位客人一個舒適嘅環境同專業意見,建議各位準新娘提前預約試婚紗時間,咁就可以慢慢試啱你嘅The One啦!
攜同朋友試婚紗
婚紗一生人著一次當然要慎重挑選,好多新娘都想帶埋好友一同去試婚紗,但人多意見多,所以建議邀請1-2個你最信任而意見又較為中肯嘅姊妹同你一齊試就足夠。
試身效果圖
試婚紗期間不可以影相,如果準新娘們想睇試穿效果,我地會用公司相機影低試身效果圖俾你參考,當Confirm咗落單之後就會Send返試身效果圖俾你作記錄。
自備內衣
一般而言建議準新娘們自備隱形胸罩來試婚紗,如果忘記帶都可以向我地借用或購買。
讓我地為你穿上婚紗
準新娘或者怕係陌生人面前脫光覺得難為情,但事實上,有啲婚紗係比較難自己著上身,我地每日幫不少新娘子換衫,見慣見熟,實在無須覺得尷尬,所以放心俾我地為你貼心服務吧!
相信自己的選擇
Confirm咗嘅婚紗之所以叫 The One係因為好似Mr. Right咁無可被取替,所以決定咗你嘅the one就不好再心大心細,相信自己的選擇,著上你嘅The One迎接人生中最靚嘅一日!
以上試婚紗小貼士,希望各位人見人愛嘅準新娘成功尋覓到你嘅The One婚紗!

Recommended Posts